कृषि सहुलियतको ऋण दुरूपयोग हुन नदिने – गर्भनर अधिकारी

२९ जेठ, वीरगंज । नेपाल राष्ट्र बैंकका गर्भनर महाप्रसाद अधिकारीले कृषि सहुलियतको ऋण दुरूपयोग हुन नदिने बताएका छन् । सोमवार वीरगंजमा नेपाल राष्ट्र बैंकले आयोजना गरेको समसामयिक आर्थिक तथा बैंकिङ गतिविधी विषयक अन्तरकृया कार्यक्रममा बोल्दै उनले कृषि सहुलियतको ऋण दुरुपयोग हुन नदिन नेपाल राष्ट्र बैंकले केहि कडाइसहितको नीति नियम बनाएको बताए । उनले हाम्रो उद्देश्य भनेकै उद्यमशीलतालाई प्रोेत्साहित गर्ने हो, त्यसमापनि कृषि उद्यम मुख्य प्राथमिकतामा पर्ने बताए । कृृषि कर्मकालागि लिएको सहुलियतको ऋण अन्य प्रायोजनमा लगानी गरिएको पाइए त्यो राष्ट्र बैंकलाई सह्य नहुने चेतावनी पनि उनले दिए । सहुलियतको कृषि ऋणको दुरूपयोग नहोस् भन्नका लागि राष्ट्र बैंकले केहि कडा नीति बनाएको उनले प्रष्ट पारे ।
अधिकारीले पनि बैंकहरूको सेवा अहिलेपनि सोचेअनुसारको सहज र सरल हुन नसकेको स्वीकारे । मधेस प्रदेशमा बढी समस्या छ,हाम्रो उद्देश्य भनेको बैंकसम्म ग्राहकको पहुचँ सरल र सिधा हुनुपर्छ, बिचौलीया मार्पmत हुनुहुदैन, यसवारे बैंकर्सहरूले पनि ध्यान दिनुपर्ने बताए ।
कार्यक्रममा वीरगंज क्षेत्रमा कृषिजन्य उद्योग र फार्म सञ्चालन गरेका तथा व्यवसायिक कृषि कर्म गर्दै आएका किसानहरूले बैंकहरूले कृषि क्षेत्रमा लगानी गर्न आनाकानी गर्दै आएको भन्दै गर्भनर अधिकारीको ध्यानाकर्षण गराएका थिए । उनीहरूले बैंकहरूले कृषिमा ऋण लगानी गर्नै नचाहने, ऋण दिएपनि आवश्यकता भन्दा निक्कै थोरै दिने गरेको लगायतका गुनासा गरेका थिए । ऋण लगानीका लागि बैंकहरूको प्रकृयापनि झनझटीलो रहेको उनिहरूको दुखेसो थियो । साथै उनिहरूले कृषिजन्य उद्योग र कृषि कर्मका लागि बैंकहरूले लगानी गर्ने ऋणमा थप सहुलियत उपलब्ध गराउनुपर्ने मागपनि गरे ।
कार्यक्रममा नेपाल राष्ट्र बैंकका निर्देशक मुक्तिनाथ सापकोटा, उपनिर्देशक रचना शर्मा पराजुली, बैंकका वीरगंज निर्देशक अजित रेग्मी, नेपाल उद्योग वाणिज्य महासंघका केन्द्रिय कार्यकारीणी सदस्य डाक्टर सुबोध गुप्ता,वीरगंज उद्योग वाणिज्य संघका अध्यक्ष अनिल कुमार अग्रवाल, वरिष्ठ उपाध्यक्ष हरि गौतम, महासचिव आशीष लाठ, अर्थविद् डाक्टर दिपेन्द्र चौधरी, युवा उद्यमी अनुप कौर, कृषि उद्यमी तारा प्रसाद कलवार, माछापालक किसान सहीम अन्सारी, ह्याचरी व्यवसायी शीवजी प्रसाद कलवार लगायतको पनि सहभागीता थियो ।
प्रतिक्रिया लेख्नुहोस् ।

ताजा अपडेट

neelambads

सम्बन्धित

बिहेको प्रस्ताव अस्वीकार गरेपछि दुईको हत्या

चन्द्रौटा, १८ जेठ कपिलवस्तुको बाणगङ्गामा दुई जनाको हत्या गरिएको छ । बिहेको प्रस्ताव अस्वीकार गर्दा उनीहरूको हत्या भएको कपिलवस्तुका प्रहरी नायब उपरीक्षक मीनबहादुर घलेले बताउनुभयो । बाणगङ्गा नगरपालिका–६ मटेरियाका ७०...

सहज इन्धन आपूर्तिका लागि बन्ने भए पेट्रोलियम पाइपलाइन

–विशेष समाचारदाता रमेश लम्साल नयाँदिल्ली, १८ जेठ (रासस) : इन्धन ढुवानीमा ठूलो रकम खर्च गरिरहेको सरकारले त्यसलाई कम गर्नका लागि पेट्रोलियम पाइप लाइन निर्माणलाई प्रमुख प्राथमिकतामा राखेको छ । प्रधानमन्त्री...

उच्च बेरोजगारीको सामना गर्दै चिनियाँ युवा

बेइजिङ, १८ जेठ ( रासस÷एएनआई) ः कोरोना भाइरस (कोभिड–१९) को महामारीबाट मुक्त हुने क्रम जारी रहँदा चीनका युवाहरूले उच्च बेरोजगारीको सामना गर्नुपरेको छ । न्युयोर्क टाइम्सका अनुसार उनीहरु पेशागत र भावनात्मक...